بما اني انسانة فضولية نوعاً ما فانا احب اني اعرف اراء الناس بمواضيع مختلفة.
مرات لمن يصيرلي موقف او اسمع سالفة او اشوفلي فلم او مسلسل تتكود ابقلبي اسئلة وايد ودي اعرف اجابة الناس عليها. احب اعرف وجهات النظر المختلفة. شسوي بعد فضول :)
سالفة سمعتها و كدرت خاطري. وحدة اتعز على قلبي وايد و هي بمثابة امي و اختي و صديقتي قالتلي خبر اليوم صعقني. بعد زواج دام فوق ال 30 سنة راح تتطلق !!!!!!!!!!!!!!!!!! انا طفتني البوهه. شنو يعني ؟!! عشرة كل هالسنين و العيال و كانت معاة دايما على الحلوة و المرة بهالسهولة عندة انة ينفصل عنها ؟!!!بتقولون يمكن غلطتها، هالانسانة اعرفها عدل مدل و المسكينة ما عمرها سوت شي غلط و الكل يحسده عليها. دايما ايقولون لة يا فلان ترى انت يا بختك متزوج فلانة. ذهبه، تنحط على الجرح يبرى.
انا الى ودي اعرفة، ماكو اعتبار حق شي اسمة عشره !! عمر كامل قظوة مع بعض و ذكريات 30 سنة !! هالشي مالة اعتبار عند احد؟! قلوب ما فيها ذرت احساس ايفكرون والله شلون عقب كل هالسنين ننفصل ؟! انا من كثر ما انا محترة من الموضوع حتى ماني قادرة اعبر بالحجي. بس ودي اعرف رايكم بالموضوع بغض النظر عن منو الغلطان . تعتقدون ان حرام تروح هالسنين بلاش و لازم ايظلون يميع حتى لو كانوا مو طايقين بعض؟ ولا ينفصلون احسن ؟
