هي: فلانة توها تزوجت و مسوية استقبال
أنا: بسم الله، توها مسوية عرسها قبل اسبوعين بفندق و عازمة الكويت كلهاو ليش بعد الاسقبال؟
هي: فلانة والدة و مسوية استقبال في بيتهم
أنا: هوووووو رحنالاها استقبالها بالمستشفى، حلاو ؟؟؟
لا و المشكلة ان لازم تكشخين و تلبسين و مكياج و شعر و حالة على ربع او نص ساعة. انزين ليش يعني ؟؟؟
الحياة عندنا وايد معقدة. انزين بروح اقول حق وحدة الحمد لله على السلامة، ليش لازم الكشخة؟؟ ليش مو جينز و تي شيرت !! مو المهم ان الواحد يؤدي الواجب !! لازم الواحد يؤدي الواجب وهو كاشخ ؟؟ لا و اذا رحتي مو كاشخة ايحشون فيج و اذا ما رحتي ايقولون هذي ما توجب. يعني ترى ماكو سالفة.
وحدة متزوجة ايسوونلها استقبال ليش؟؟ حق الطماشة؟؟ ولا الوالدة وعليا عليهاو تلاقين طالعة روحها من الطلق و الولادة و ايونها الناس ايزورونها !! لا ولي ايحر إنا بسم الله امس والدة ويقولون لها يالله ان شاء الله اتييبين له اخو ولا اخت !!!! المسكينة مامداها تنسى !!!
لا ويقولون سوي استقبال بالمستشفى احسن تفتكين مرة وحدة عشان مو كل ساعة طاب عليج احد بالبيت. انزين سوينا بالمستشفى بس ماكو فايدة !!! هم ايون الناس.
ترى ماكو فايدة، الواحد مو مرتاح بالمرة و صج ان ارضاء الناس غاية لا تدرك. والي ما يعجبهم اكثر من الي يعجبهم
كل شي بالكويت مبالغ فية. والناس وايد يبالغون في تصرفاتهم و مشاعرهم. استقبال حق اي شي و كل شي. استقبال زواج، ولادة، تخرج، حج، عمرة، بيت يديد، حتى رمضان قاموا ايسوون لة استقبال ؟!!!
لا و الناس من صجهم يزعلون !!! فلانة ما باركت لي على بنتي و فلانة ما يت.
انزين و بعدين ؟؟ سوينا استقبال، الي يبي ايي يه ولي ما قدر ما يه. و بعدين!؟ شستفدنا؟! مضيعة وقت و تعب على الفاضي و حوسة تجهيز الاستقبال شي ايعور الراس و القلب. شفيها اذا رفعوا علي سماعه التلفون و باركولي بالتلفون !!! ولا شفيها لي مروني بالبيت وانا اب جينزي و تي شيرتي وشربوا عندي قلاص عصير وستكانة جاي !! لازم الرزة و الكشخة و الدعالة ولا مايصير !!!
حارتني سالفت الاستقبالات لاني ماحب الكلافة. احب البساطة في كل شي في حياتي. اذا احد بييني فحياة الله بدون مواعيد و كشخة. ليش العبالة و تعقيد الدنيا؟ ليش الواحد ما يقدر يتصرف على طبيعتة؟!
