الإنسان أناني بطبعة، يبي كل شي حقه و ما يفكر إلا في سعادته و بس. يمكن الكثير منكم راح يختلف معاي بهالموضوع بس ودي اعرف رايكم
استغرب من الناس الي ايبون درزن عيال. استغرب لما يقولون فلانة ولدت و الناس يفرحون. استغرب لما يقولون فلانة حامل و الكل يفرح
خل نفكر بالموضوع عدل... الناس يبون العيال عشان تصير عندهم ذريه و نسل و عشان اذا كبروا يلاقون عيالهم حوالينهم و يلاقون من يجابلهم. بس هل تعتقدون ان الشغلة هذي صح ؟
هل فعلا احنا نبي نيييب عيال بهالدنيا هذي و بهالوقت و الزمن الي عايشين فية ؟
الحياة كل مالها و تصير اصعب و اصعب و ما يندرى لين يكبرون عيالنا شبيصيير بهالدنيا، هل الواحد يأمن على عياله في زمن ما ينعرف فية الصاج من الكاذب ؟!!
حياتنا صارت مليئة بالنفاق و الكره و الحسد و الحقد و الغيره و مشاكل مالها اول ولا تالي. المخدرات في كل مكان، و الخمر منتشر بصوره مو طبيعية. المصايب الي تصير في المدارس تشيب الراس. لا مدارس خاصة زينة ولا مدارس حكومة زينة. هل الواحد يأمن على عياله في دنيا مثل هذي؟
ما تدري اذا الي جدامك عدوك ولا رفيجك. معظم الناس يتصنعون و يكونون مختفين وراء مظاهر خداعة يكلمونك حق مصلحة و بس
صار الواحد اذا يبي يشتغل لازم يقعد يدور على وظيفة لمدة سنتين، ثلاث سنين، يمكن بعدين يلاقي وظيفة بمعاش مو ذاك الزود اتمشي حاله. كل شي بالواسطة
الحياة كل مالها و تصير اصعب و اصعب و ما يندرى لين يكبرون عيالنا شبيصيير بهالدنيا، هل الواحد يأمن على عياله في زمن ما ينعرف فية الصاج من الكاذب ؟!!
حياتنا صارت مليئة بالنفاق و الكره و الحسد و الحقد و الغيره و مشاكل مالها اول ولا تالي. المخدرات في كل مكان، و الخمر منتشر بصوره مو طبيعية. المصايب الي تصير في المدارس تشيب الراس. لا مدارس خاصة زينة ولا مدارس حكومة زينة. هل الواحد يأمن على عياله في دنيا مثل هذي؟
ما تدري اذا الي جدامك عدوك ولا رفيجك. معظم الناس يتصنعون و يكونون مختفين وراء مظاهر خداعة يكلمونك حق مصلحة و بس
صار الواحد اذا يبي يشتغل لازم يقعد يدور على وظيفة لمدة سنتين، ثلاث سنين، يمكن بعدين يلاقي وظيفة بمعاش مو ذاك الزود اتمشي حاله. كل شي بالواسطة
اذا تبي تشتري بيت في مكان هه ايمشي حالة عندك حليين: يا اما تاخذ قرض و تدفع كل شهر اكثر من نص معاشك و تتقرفط. يا اما تبوق و تشتري البيت الي تبية عالراحة
زبدة الحجي ان حياتنا وايد معقدة، و احنا راضين ان نييب عيال في هالدنيا الي كل مالها و تتعقد زيادة بس عشان وناستنا و راحتنا. ما عمري سمعت احد فكر بالعيال و مستقبلهم و شلون ممكن ان الدنيا تكون على ايامهم. كل منا يفكر بنفسة و بس
اذكر ايام ما كنا صغار كانت ابسط الامور تخلينا نفرح و نستانس. الاتاري عندنا كان شيييييييييي و وناسة ما بعدها وناسة. هدوم العيد كنا ننطرها من سنة لي سنة و نحط النفنوف اليديد و الجوتي و الجنطة يم روسنا باليل قبل ما ننام عشان من نفزع الصبح نلبسهم حق العيد و الابتسامة من الاذون لي الاذون
عيال هالايام عندهم كل شي يتمنونه. جان كان بلاي ستيشن ولا سيارات و العاب ولا طلعات و روحات و ييات. ماكدونالدز هذا واجب تقريبا يومي، اذا ما راحوا تكون الدنيا فيها شي. لا و على كل هذا يردون البيت متمللين و مستعسرين و ضايقة خلوقهم و ما يمديهم يدشون من باب البيت الا يا ماما نبي نطلع
اذا من الحين ماليين و زاهقين عيشتهم، تخيلوا لما يكبرون شبيصير ؟؟؟
يمكن تعتقدون من كلامي باني متشائمة، بس بالعكس، انا احب الدنيا و الحياة. بس ما ودي اظلم عيال مساكين اييبهم بهالدنيا العوية و اكودهم 5 ولا 6 على ابو ان الله يحلها و يعدلها
ياريت اعرف رايكم بهالموضوع
